Azərbaycan-Bolqarıstan birgə layihəmiz dayanıqlı iqtisadi inkişaf strategiyasında əsaslanır və bu sahədə yeni imkanlar yaradır.

Hər il Respublikamıza 80 min tondan 140 min tonadək müxtəlif növ sürtkü materialları idxal olunur. Azərbaycanda baza yağlarının sənaye miqyasında istehsalı mövcud olmadığından, yerli müəssisəsiləri tam şəkildə xarici mənbələrə bağlıdır.

Əvvəllər, istifadə olunmuş sənaye və mühərrik yağları nəzarətsiz şəkildə ya tullantı kimi atılır, ya da yanacaq məqsədilə istifadə edilirdi, bu da ətraf mühitə ciddi zərər vururdu. Məsələn, cəmi 5 litr tullantı yağın yandırılması insanın üç il ərzində nəfəs aldığı hava miqdarını çirkləndirməyə kifayətdir.

Sürtkü yağlarının molekulyar quruluşu zamanla strukturunu itirmir; yalnız tərkibindəki funksional əlavələr öz effektivliyini itirir və onların yenilənməsinə ehtiyac yaranır.

«Caspian Lubricants Recycling» tərəfindən tətbiq edilən texnologiya tullantı yağların emalını üç əsas təmizləmə mərhələsi ilə həyata keçirir:

Atmosfer distillasiyası: İlk mərhələdə susuzlaşdırılmış yağ dizel və benzin yanacaqlarında mövcud olan karbohidrogenləri çıxarmaq məqsədilə atmosfer distillasiyasına məruz qalır.

Vakuum distillasiyası: İkinci mərhələdə təmizlənmiş yağ 300°C-dən yüksək temperaturda vakuum distillasiyasına məruz qalır. Nazik filmli buxarlandırıcılar kimi vakuum avadanlıqları yağ distillatları dəqiq şəkildə ayrılır, sonrakı istehsal üçün yararsız hesab edilən komponentlər isə xaric edilir.

Adsorbsiya təmizlənməsi: Son mərhələdə alınmış distillat 80°C temperaturda regenerativ adsorbsiya yolu ilə təmizlənir və beləliklə alınmış məhsul beynəlxalq keyfiyyət standartlarına cavab verir.

Bu texnologiya ilə biz əlavə tullantı yaratmadan, insan sağlamlığı üçün təhlükəli materialdan həm yerli, həm də beynəlxalq bazarda tələbat olan baza yağı istehsal edirik.

---